Այսօր մենք հնարավորություն ունեինք լսելու տեղական ինքնակառավարման համակարգում աշխատող մարդկանց և իրենց հարցեր ուղղելու։ Մենք հյուրընկալել էինք Սպիտակի աշխատակազմի քարտուղար Անահիտ Գյուլազյանին, ով իր փորձով կիսվելով, ասաց․ «Այն մարդիկ, ովքեր ցանկություն ունեն դառնալ համայնքային ծառայողներ, արժի որ բռնեն այդ ուղին, որովհետև դու ինքդ ծառայում ես ժողովրդին, անում ես գործ, որ շատ մարդկանց է պետք։ Ծառայում ես քո հայրենիքին, առաջին հերթին նաև։ Մեր համայնքները ազնիվ, շիտակ, ստեղծարար, ստեղծագործ մարդկանց կարիք ունեն ու մեր համայքնների հետագա զարգացումը իրենց ձեռքերում է»։