ՆՈՐՈՒԹՅՈՒՆՆԵՐ


ԻՐԱԿԱՆԱՑՎՈՒՄ Է ԿԱՊԱՆ ԵՎ ՔԱՋԱՐԱՆ ՀԱՄԱՅՆՔՆԵՐԻ ՎՏԱՆԳԱՎՈՐ ՏԱՐԱԾՔՆԵՐԻ ՆԿԱՐԱՀԱՆՈՒՄ ԱՆՕԴԱՉՈՒ ԹՌՉՈՂ ՍԱՐՔԵՐՈՎ

11:39, ապրիլի 05, 2017

Մարտի 30-ին ՀՀ արտակարգ իրավիճակների նախարարությունը և ՄԱԿ-ի զարգացման ծրագիրը` ԱՌՆ ազգային պլատֆորմ հիմնադրամի և ՀՀ պաշտպանության նախարարության աջակցությամբ, Սյունիքի մարզի Կապան և Քաջարան համայնքներում իրականացրեցին մի շարք վտանգավոր տարածքների (սելավավտանգ, սողանքավտանգ, քարաթափման վտանգի ենթակա տարածքներ, պոչամբար, սելավատար) նկարահանում` անօդաչու թռչող սարքերի (դրոնների) կիրառմամբ:

Նկարահանման արդյունքները օգտագործվելու են սելավավտանգ և սողանքավտանգ տարածքների, սելավատարերի ողջ երկայնքի, քարաթափման վտանգի տակ գտնվող, պոչամբարների տարածքների և նշված վտանգների ծագման դեպքում խոցման ենթակա տարածքների մոդելավորման համար։ Ստացված արդյունքները հետագայում համադրվելու է երկարշարժի դեպքում երկրորդային խոցման գոտիների տվյալների հետ, որը հնարավորություն կտա ճշգրտել արտակարգ իրավիճակներում բնակչության տարհանման ուղիները, բարձրացնել ԱԻ-ում փրկարարական ուժերի բաշխվածության կառավարման արդյունավետությունը և կնպաստի աղետների ռիսկի նվազեցմանը։

Ուսումնասիրությունն իրականացվում է ՄԱԿ-ի զարգացման ծրագրի «Համայնքային դիմակայունության և բնապահպանական արտակարգ իրավիճակներին պատրաստվածության կարողությունների զարգացում» ծրագրի շրջանակներում, որը ֆինանսավորում է Եվրահանձնաժողովի մարդասիրական օգնության և բնակչության պաշտպանության հարցերով գլխավոր վարչությունը։

Ծրագրի շրջանակներում ՀՀ ԱԻՆ փրկարար ծառայության աշխատակիցներն անօդաչու թռչող սարքերի կիրառման դասընթացներ են անցել և ստացել համապատասխան որակավորում ՀՀ ՊՆ Արմենակ Խանփերյանցի անվան ռազմական ավիացիոն համալսարանի մասնագետների կողմից:

Միջոցառման լուսանկարները կարող եք դիտել arnap.am հղումով:

ԻՐԱԿԱՆԱՑՎՈՒՄ Է ԿԱՊԱՆ ԵՎ ՔԱՋԱՐԱՆ ՀԱՄԱՅՆՔՆԵՐԻ ՎՏԱՆԳԱՎՈՐ ՏԱՐԱԾՔՆԵՐԻ ՆԿԱՐԱՀԱՆՈՒՄ ԱՆՕԴԱՉՈՒ ԹՌՉՈՂ ՍԱՐՔԵՐՈՎ

0



Օրացույց

ԹՈՓ ՆՈՐՈՒԹՅՈՒՆՆԵՐ


ՀԵՏԱԴԱՐՁ ԿԱՊ