ՆՈՐՈՒԹՅՈՒՆՆԵՐ


Դասընթացներ 18 բազմաբնակավայր համայնքների ներկայացուցիչների համար

03:16, նոյեմբերի 24, 2017

Համայնքներում պլանավորման գործընթացները բարելավելու նպատակով  Համայնքների ֆինանսիստների միավորումը (ՀՖՄ) Հայաստանի 18 խոշորացված համայնքների աշխատակազմերի համար իրականացնում է «Համայնքի տարեկան աշխատանքային պլանների (ՏԱՊ-երի) մշակման» դասընթացներ: Ծրագիրն իրականացվում է Գերմանիայի միջազգային համագործակցության ընկերության (ԳՄՀԸ) ֆինանսական աջակցությամբ և միտված է ներդնել կառավարման որակապես նոր գործիքակազմ, ինչը կօգնի համայնքներին ոչ միայն նպատակային պլանավորել մեկ տարվա ընթացքում իրականացվելիք աշխատանքները, այլ նաև հստակ արտացոլել համայնքների հնգամյա զարգացման ծրագրերի հետ դրանց  տրամաբանական կապը և կարողանալ գնահատել իրականացվող ծրագրերի արդյունավետությունը:

Սեպտեմբեր և հոկտեմբեր ամիսներին իրականցվել են չորս փնջային մեկօրյա դասընթացներ (Գյումրիում, Վայքում, Գորիսում և Դիլիջանում), որոնց ընթացքում մասնակիցներին ներկայացվեց ՏԱՊ-ի էությունը և դրա կարևորությունը համայնքներում ներկայիս պլանավորման խնդիրների համատեքստում: Դասընթացների ավարտից հետո ՀՖՄ փորձագետները կշարունակեն աջակցել նոր ձևավորված 18 բազմաբնակավայր համայնքներին ՏԱՊ-երը կազմելու գործում, որոնք, նախքան համայնքի ավագանու կողմից հաստատվելը, կներկայացվեն համայնքների բնակչությանը՝ հանրային քննարկումների միջոցով:

Որպես համայնքային պլանավորման գործընթացի տրամաբանական շարունակություն, ՀՖՄ-ի հաջորդ նախաձեռնությունը խոշորացված համայնքներում ծրագրային բյուջետավորման ներդրման գործընթացն է, որի շրջանակներում իրականացվում են չորս փնջային երկօրյա դասընթացներ: ԳՄՀԸ աջակցությամբ իրականացվող այս ծրագրի արդյունքում խոշորացված 18 համայնքներն իրենց 2018թ. բյուջեն կկազմեն նաև ծրագրային ձևաչափով: Հոկտեմբերի 26-27-ին Վայքի, Ջերմուկի, Զառիթափի և Ուրցաձորի խոշորացված համայնքների աշխատակազմերի ներկայացուցիչների համար Վայքում կազմակերպված դասընթացին ԳՄՀԸ նախաձեռնությամբ մասնակցում էին նաև Վրաստանի ԳՄՀԸ և փորձագիտական թիմի ներկայացուցիչները: Հանդիպման ընթացքում ներկայացվեց ՀՖՄ-ի փորձը արդյունքահեն և ծրագրային բյուջետավորման ներդրման գործում, ինչպես նաև՝ ծրագրային բյուջետավորման (ԾԲ) կառուցվածքը, կազմման մեթոդաբանությունը, ծրագրերի և միջոցառումների ձևակերպումների նրբությունները: Քննարկումը նաև հարևան երկրների փորձագետներին հնարավորություն ընձեռեց այս ոլորտում հաջողված փորձի փոխանակում իրականացնել:

Նոյեմբերին նախատեսվում է ծրագրային բյուջետավորման դասընթացներ կազմակերպել նաև Սյունիքի մարզի Գորիսի, Տաթևի, Գորայքի, Մեղրիի և Տեղի, Լոռու մարզի Թումանյանի և Տավուշի մարզի Այրում, Դիլիջան, Կողբ և Նոյեմբերյան բազմաբնակավայր համայնքների աշխատակազմերի ներկայացուցիչների համար:

Կարեն Հովհաննեսյան

ՀՖՄ փորձագետ


Դասընթացներ 18 բազմաբնակավայր համայնքների ներկայացուցիչների համար http://cfoa.am/archives/15691

0



Օրացույց

ԹՈՓ ՆՈՐՈՒԹՅՈՒՆՆԵՐ


Տվյալներ չկան

ՀԵՏԱԴԱՐՁ ԿԱՊ