ՆՈՐՈՒԹՅՈՒՆՆԵՐ


ՀՀ ԱԺ մշտական հանձնաժողովում քննարկվել են համայնքների զարգացմանը վերաբերող հարցեր

03:11, փետրվարի 27, 2019

ՀՀ ԱԺ տարածքային, տեղական ինքնակառավարման, գյուղատնտեսության եւ բնապահպանության հարցերի մշտական հանձնաժողովը փետրվարի 26-ին քննարկման էր հրավիրել տեղական ինքնակառավարման մարմինների հետ աշխատող, դրանց զարգացման հարցերով զբաղվող մի շարք հասարակական եւ միջազգային կազմակերպությունների ներկայացուցիչների եւ փորձագետների՝ ծանոթանալու նրանց աշխատանքներին, գործունեության ուղղություններին, ինչպես նաեւ լսելու նրանց առաջարկներն ու մտահոգությունները:

Հանձնաժողովի նախագահ Վարազդատ Կարապետյանը կարեւորել է հրավիրված կազմակերպությունների եւ փորձագետների հետ համագործակցությունը՝ նշելով, որ նրանց առաջարկներն առանձնապես կարեւոր կարող են լինել օրենսդրական նախաձեռնություններ մշակելիս՝ հաշվի առնելով տեղեկացվածությունը համայնքային խնդիրներից:

Հյուրերը խոսել են իրենց գործունեության ուղղություններից, ներկայացրել առաջարկներ, որոնց նպատակը, ինչպես նշել են նրանք՝ համայնքների հետագա զարգացումն է եւ բնակչության կյանքի որակի բարելավումը: Առաջարկները հիմնականում վերաբերել են համայնքների խոշորացմանը, հողային ռեսուրսների կառավարմանը, նախադպրոցական հաստատությունների կառուցմանը, ավագանու ինստիտուտի հզորացմանը, կանանց մասնակցությանը համայնքի կառավարմանը, համայնքներում սոցիալական ծառայությունների մատուցմանը, ՏԻՄ-երի հետկանչի մեխանիզմի ներդրման հնարավորությունը եւ այլն: Առաջարկվել է վերանայել ոլորտը կանոնակարգող որոշ օրենքներ, առավել հանգամանալի եւ բազմակողմ դիտարկել համայնքների խոշորացման գործընթացը:

Ամփոփելով քննարկումը՝ հանձնաժողովի նախագահ Վարազդատ Կարապետյանը տեղեկացրել է, որ հետագայում կլինեն թեմատիկ քննարկումներ, անհրաժեշտության դեպքում էլ կձեւավորվեն աշխատանքային խմբեր: 


ՀՀ ԱԺ մշտական հանձնաժողովում քննարկվել են համայնքների զարգացմանը վերաբերող հարցեր http://www.parliament.am/news.php?cat_id=2&NewsID=11188&year=2019&month=02&day=26&lang=arm

0



Օրացույց


Տվյալներ չկան

ԹՈՓ ՆՈՐՈՒԹՅՈՒՆՆԵՐ


ՀԵՏԱԴԱՐՁ ԿԱՊ