Ձեզ ենք ներկայացնում Սյուզի Չալղյանի «Գիտակից երիտասարդ՝ հզոր համայնք» ծրագիրը, որը նախատեսված է Գյումրիի և Հառիճի 16-20 տարեկան ակտիվ և նախաձեռնող երիտասարդների համար։

Ծրագրի նպատակն է նպաստել Շիրակի մարզի Գյումրի և Հառիճ համայնքների երիտասարդության իրազեկվածության և ներգրավվածության բարձրացմանը ՏԻ-ան վերաբերյալ, միջհամայնքային հաղորդակցության ստեղծմանը և ամրապնդմանը:

«Ռեստարտ Գյումրի» նախաձեռնությունների կենտրոնում ապրիլի 25-ին «Գիտակից երիտասարդ՝ հզոր համայնք» ծրագրի շրջանակներում  տեղի ունեցավ երկրորդ ընդհանուր հանդիպումը ծրագրային թիմի և Գյումրիի ակտիվ երիտասարդների միջև։ Հանդիպման ընթացքում մասնակիցները ծանոթացան միմյանց հետ։ Ներկայացվեց բուն ծրագիրը, նպատակները, ինչպես նաև խոսվեց ծրագրի ակնկալիքների և արդյունավետ շարունակականության մասին։  Մասնակիցների կողմից վերհանվեցին մի շարք համայնքային խնդիրներ և դրանց լուծման հնարավոր տարբերակները։ Տեղի ունեցավ հետաքրքիր քննարկում։