ՆՈՐՈՒԹՅՈՒՆՆԵՐ


Տաշիրում «Արի զրուցենք» ծրագիրն օգնում է երիտասարդներին ակտիվանալ

09:27, մայիսի 14, 2021

Ապրիլի 27-ից մեկնարկեց Արմենուհի Մհերյանի և Արման Ազոյանի   «Արի զրուցենք» ծրագիրը` Տաշիր համայնքում «Տեղական ժողովրդավարության դպրոցի» շրջանակներում՝ «ՀԿ Կենտրոն» քաղաքացիական հասարակության զարգացման ՀԿ-ի միջոցով , որը նպատակ ունի ակտիվացնելու համայնքային կյանքում որոշումների կայացման գործընթացում երիտասարդների մասնակցությունը, հնարավորություն տալ նրանց ստանալ անհրաժեշտ գիտելիքներ ու հմտություններ տեղական ինքնակառավարման վերաբերյալ, ինչպես նաև բարձրացնելու համայնքային կյանքի հիմնախնդիրները` ըստ իրենց տեսակետի:

Մասնավորապես, ապրիլի 27-ին և 29-ին իրականացվեցին դասընթացներ , որոնց շրջանակում դասընթացի մասնակիցները ծանոթացան ժողովրդավարության ստեղծման պատմությանը, տվյալ ոլորտում համաշխարհային փորձի դրսևորումներին, ինչպես նաև իրենց և ՏԻՄ իրավասություններին և պարտականություններին տեղական ինքնակառավարման ոլորտում։ Կպազմակերպվեցին խմբային աշխատանքներ և քննարկումներ, որոնք ավելի հետաքրքիր և արդյունավետ դարձրին դասընթացը:

Արդեն իսկ մայիսի 7-ին դասընթացի մասնակիցները հնարավորություն ունեցան հանդիպելու համայնքի ղեկավար Էդգար Արշակյանի հետ, տալ նրան իրենց հուզող հարցերը և առաջարկել բազում հիմնախնդիրների լուծման իրենց հնարավոր տարբերակները, քննարկեցին մի շարք կայանալիք ծրագրեր` համայնքի զարգացման նպատակով։ Մասնակիցները ցուցաբերեցին նախաձեռնողականություն ստեղծելու երիտասարդական նախաձեռնող խումբ, որը կհանդիսանա կայուն հիմք ՏԻՄ մարմինների և համայնքի բնակչության միջև։ Փոխարենը համայնքապետը պատրաստակամություն հայտնեց աջակցելու երիտասարդներին` իրենց գործունեության բոլոր փուլերում և ոլորտներում. «հանուն համայնքի զարգացման և բարորության»,- ավելացրեց պարոն Արշակյանը։

 

 


Տաշիրում «Արի զրուցենք» ծրագիրն օգնում է երիտասարդներին ակտիվանալ

0



Օրացույց


Տվյալներ չկան

ԹՈՓ ՆՈՐՈՒԹՅՈՒՆՆԵՐ


Տվյալներ չկան