ՀԿ Կենտրոնը Վանաձոր ԻնֆոՏան ՀաՄաՏեղ բաղադրիչի շրջանակներում հրավիրում է պատասխանատու, պարտաճանաչ, մանրուքների հանդեպ ուշադիր և համակարգչից օգտվելու բազային գիտելիքներ ունեցող երիտասարդի՝ համայնքային կայքերի մշտադիտարկում (մոնիթորինգ) իրականացնելու համար:

Կայքերի մշտադիտարկումն իրականացվում է ամիսը 1 անգամ, ամսվա վերջին օրերին՝ հատուկ ստեղծված ձևաթղթի օգնությամբ:

Դիմել կարող է հետևյալ խմբերից որևէ մեկին պատկանող ցանկացած անձ՝

• 10,11, 12-րդ դասարանի աշակերտ
• 1,2, 3, 4-րդ կուրսի ուսանողներ

Կամավորական աշխատանքը հաջող  իրականացնելու դեպքում կամավորը ձեռք կբերի.

•  Գիտելիքներ Տեղական ինքնակառավարման ոլորտի վերաբերյալ:
•  Կամավորական աշխատանքի փորձ,  որը ճանաչելի է բազմաթիվ տեղական և միջազգային կազմակերպությունների կողմից:    Կամավորական աշխատանքի փորձը նաև հանդիսանում է պարտադիր պահանջ  տեղական ու միջազգային մի շարք հեղինակավոր համալսարաններում և քոլեջներում ընդունելության ժամանակ: Կամավորական աշխատանքի փորձը Ձեզ նաև հնարավորություն կտա ստանալ տարբեր կրթաթոշակներ ու մասնակցել տեղական ու միջազգային սեմինարների:
•  Հավաստագիր և անհրաժեշտության դեպքում նաև երաշխավորագիր նամակ տվյալ աշխատանքն իրականացնելու համար:

Այս ամենից զատ ընտրված անձինք հնարավորություն կունենան հաղորդակցվել ոլորտի փորձագետների հետ, մասնակցել դասընթացների և վերապատրաստումների:

Կամավորական աշխատանքի տևողությունը՝ 6 ամիս (ս/թ փետրվար, մարտ, ապրիլ, մայիս, հունիս, հուլիս)․ երկարաձգման հնարավորությամբ։

Կամավորն ամսական զբաղված կլինի մինչև 20 ժամ: (Գրաֆիկը կկազմվի ընտրված կամավորի հետ միասին՝ հաշվի առնելով նրա այլ զբաղվածությունները)

ԴԻմելու համար անհրաժեշտ է լրացնել այս հայտադիմումը մինչև ս/թ հունվարի 30-ը։  

Հարցերի դեպքում  կարող եք գրել Վանաձոր ԻնֆոՏան facebook-ի էջին։

Թերի լրացված հայտադիմումները հնարավոր է չդիտարկվեն։

 ԴԻՄԵԼ

 Կայքերի մշտադիտարկումն իրականացվում է «ՀԿ Կենտրոն» ՔՀԶ ՀԿ-ի կողմից իրականացվող ՀաՄաՏեղ ծրագրի շրջանականերում։

Այն մասն է Համայնքների ֆինանսիստների միավորման (ՀՖՄ), Տեղեկատվական համակարգերի զարգացման և վերապատրաստման կենտրոնի (ՏՀԶՎԿ) և Եվրասիա համագործակցություն հիմնադրամի (ԵՀՀ) կողմից համատեղ իրականացվող «Հանրային մասնակցություն տեղական ինքնակառավարմանը» ծրագրի։  Ծրագիրը ֆինանսավորվում է Միացյալ Նահանգների Միջազգային զարգացման գործակալության կողմից։